أنواع المثاقيب و إستخداماتها

سلسلة التثقيب - الجزء الأول

  1. Step 1:

    التثقيب - Drilling

    _________________

    الجزء الأول

    ___________________

    .

    أنواع المثاقيب

    .

    .

    هتكلم في السلسلة دي بالتفصيل عن:

    التخويش.

    البرغلة.

    المتاقيب و إزاي تشتريها.

    أنواع البنط إزاي تختارها علي حسب الخامة اللي هتشغلها ....

    __________________________________________________

    .

    إسمه بالفصحة مثقاب و في السوق بيسموه متقاب.

    .

    __________________________________________________

    .

    أنواع المتاقيب :

    .

    .

    1 . مثقاب التزجة - sensitive or bench drilling machine :

    .

    بيُستخدم في الشغل الخفيف ، في الغالب الظرف مبياخدش أكبر من بنطة 16 ميللي.


    .

    في منه اللي بتتحكم في سرعته و سرعة التغذية (Feed)

    و في اللي بتتحكم في سرعته بس.

    .

    الأنواع اللي بسير مبتقدرش تتحكم في سرعة التغذية ، بتبقي مانوال.

    .

    بتتحكم في السرعة علي حسب نوع المتقاب اذا كان بسير واحد او سيرين او بجيربوكس.

    .

    - عن طريق سير واحد (v-belt).

    السرعات المتاحه بتكون قليلة.

    .

    - عن طريق سيرين :


    .

    بيبقي افضل عشان بيديك سماحية أكبر في التحكم في السرعة.

    بيكون في جدول صغير عالمتقاب بيقولك كل وضعية من ظبط السيرين تديك سرعة كام RPM.



    وجدول تاني للتغذية.

    .

    - عن طريق جيربوكس.

    الجيربوكس بيديك أكتر من ميزة ...

    .

    1 . التحكم في اتجاه الدوران بحيث لو البنطة دقرت تلف في الاتجاه المعاكس.

    .

    2 . التحكم في السرعة ، وده بيكون أسرع و أسهل من السير لأن مجرد يد بتحركها بتتحكم في السرعة.

    .

    3 . إعتمادية أكثر من السير.

    .

    4 . التحكم في سرعة التغذيه ، فبالتالي هتعرف تعمل قلاووظ بإستخدام المتقاب.

    .

    نوع التروس المستخدمه في صندوق تروس المتقاب اول و أخر ترسين بيكونو ترس حلزوني (Helical gear) من ضمنهم الترس اللي عالموتور ، التروس اللي في النص (idler gears) بتبقي spur gear.

    .

    كل خامه و ليها سرعة في تقبها عشان تحافظ علي عمر البنطة .. بشكل عام كل ما الخامه كانت ناشفه كل ما احتجت تقلل السرعه و تزود العزم.

    هتكلم في مقال البنط بالتفصيل عن السرعات لكل خامه و ازاي تحسبها.

    .

    .

    .

    في شركة مصرية وحيدة بتصنع متاقيب التزجة و الشجرة من الثمانينات إسمها محمد عدلي.

    شغلهم كويس من زمان.

    مقرها شارع العنابر - السبتية - القاهرة.

    shorturl.at/iklL2

    .

    مصنع 999 الحربي كان بيصنع زمان متاقيب.


    _____________________________________________________________

    .

    2 . مثقاب الشجرة - Pillar drilling machine :

    .

    أو upright drilling machine أو Column drilling machine.

    .

    الأكثر إستخداماً ، مفيش مصنع مفيهوش مثقاب شجرة.

    في منه بسير و في منه بجيربوكس.





    كذلك الأمر زي في متقاب التزجه بالنسبه لميمزات و عيوب السير و الجير بوكس.

    .

    لما يُضاف محاور حركة X و Y المتقاب بيبقي إسمه متقاب نص فريزة ، سواء كان تزجة أو شجرة ، بيتعمل عليه شغل تفريز خفيف.

    .

    لعمل تقب بزاوية ... في نوع متاقيب الهيد اللي بتميل علي محور الY و في متاقيب الطربيزة هي اللي بتميل.

    ________________________________________________

    .

    3 . مثقاب الدف - Radial drill machine :

    .

    يُستخدم في تقب الكتل الضخمة.

    أهم ميزه فيه إن الهيد بتتحرك بشكل دائري و بتبعد عن الطربيزة بحيث تقدر تحط الشغلانه بسهوله عن طريق ونش أو كلارك.





    بياخد بنطه لحد قطر 150 ميللي (15 سم).

    .

    محور الZ بيتحرك عن طريق موتور كهربة بفتيل.

    .

    المتقاب بيكن فيه التحكم في السرعه و الاتجاه و سرعة التغذيه اللي بتكون 4 أو 6 سرعات.

    .

    التحكم في السرعة يكون عن طريق تعشيق التروس يدويا أو في بعض الماكينات عن طريق نظام هيدروليكي بيتحكم في كلتشات .. الطرمبه بتكون داخل الجيربوكس.

    .

    متقاب الدف موجود بكثرة في المصانع الحربية.

    ______________________________________________________

    .

    4 . مثقاب متعدد المحاور - Gang drilling machine :

    .

    عبارة عن كذا هيد جمب بعض علي قاعدة واحده.

    ممكن يكون 3 هيد أو 4 أو 6 أو 8 أو 10 ....


    .

    ممكن يُستخدم في عمل أكثر من عمليه .. مثلا هيد للتخويش و هيد للبرغله و هيد للقلوظة ...


    نظام التغذيه في منه أوتوماتيك و في مانوال.


    الأوتوماتيك بينزل بكل الهدود في آن واحد.

    المانيوال بتتحكم في كل هيد علي حدي.

    ______________________________________________________________


    5 . مثقاب متعدد الرؤوس - Multi spindle drilling machine :


    يكون عبارة عن كذا ظرف مثبتين جمب بعض بشكل دائري.



    موتور واحد و تروس بيحركو الهدود.


    يُستخدم أكتر في تقب الفلنشات و جنوط السيارات.

    ___________________________________________________________


    6 . مثقاب الثقوب العميقة - Deep hole drilling machine :


    المثقاب مخصص لعمل التقوب العميقة زي في مواسير المدافع و بعض اجزاء ماكينات إستخراج البترول.



    __________________________________________________


    7 . مثقاب رقمي - CNC turret drilling machine :


    دقيق جدا ، محور الX و الY بيتحركو بواسطة البرنامج.

    البرج (turret) بيتركب فيه ادوات قطع مختلفة زي القلوظة و البرغلة و مقاسات مختلفة من البنط.

    ________________________________________________


    8 . المثقاب المغناطيسي - Magnetic drill :


    بيكون ليه قاعدة مغناطيسية بيُثبت علي اي سطح سواء كان أفقي أو عمودي.

    مفيش تحكم في سرعة التغذية.

    .

    عزمه قوي جدا جدا بيشتغل في التخانات العاليه.

    .

    يُستخدم في القلوظه بشرطين :

    .

    1 . أن يكن المثقاب في اتجاهين ، يمين و شمال.

    .

    2 . الثقب يكون معمول بالمتقاب المغناطيسي و علي نفس مكان التثبيت ( المغناطيس شغال ) تغير البنطة و تركب دكر .. عشان تضمن ان الدكر هينزل في منتصف الثقب .. غير كدا الدكر هيتكسر.

    .

    سعر المثقاب بيبدأ من 4000 جنية.



    ___________________________________________________________________

    .

    9 . المثقاب اليدوي - portable drilling machine :

    .

    ________________________________________________

    .

    .

    هتكلم في المقال الجاي عن مورس و انواع و خامات البنط و طرق تثبيت الشغلانة عالمتقاب.

    .

    الجزء الثاني :

    https://www.facebook.com/ayman.kidwany/posts/3440182062709594

    .

    #سلسلة_القلاووظ

    .

    #سلسلة_التثقيب

Comments